1742-ᒥ, ᑯᕆᔅᑎᕗ ᒥᑐᑕᓐ ᓇᐅᔮᓅᓚᐅᖅᓯᒪᔪᖅ ᕉᔅ ᕕᐅᑲᒻ ᓴᐅᓐᒥᙶᖅᖢᓂ ᓇᓂᓯᓇᓱᒃᖢᓂ ᑕᓪᓗᕈᑎᐅᑉ ᐃᒪᖓᒍᑦ ᐃᑳᕐᕕᐅᓯᒪᔪᒥ. ᖃᐅᔨᓚᐅᖅᓯᒪᔪᖅ ᑲᖏᖅᖣᓂᖓᓄᑦ ᐃᑳᕐᕕᐅᙱᓐᓂᖓᓄᓪᓗ ᐊᒻᒪᓗ ᖁᕕᐊᓱᒍᓐᓃᖅᖢᓂ ᐃᑳᕈᓐᓇᙱᓐᓂᕐᒥᓄᑦ ᑕᐃᒪᐅᖅᓯᒪᔭᖓ ᐃᒪᓐᓇ "Bay of Repulse" ᓲᕐᓗ "ᑲᖏᖅᖢᒃ ᖁᕕᐊᓱᒍᓐᓃᖅᑎᑦᑎᔪᖅ".
ᖃᑯᒍᙳᐊᓗᒃᑎᓪᓗᒍ ᓇᐅᔮᑦ ᐃᓂᖓ ᑎᑭᑕᐅᖃᑦᑕᓕᓚᐅᖅᑐᖅ ᓂᐅᕕᖅᑎᓄᑦ. ᐅᔾᔨᕐᓇᓗᐊᖅᑐᖅ ᑎᑭᓚᐅᖅᑐᖅ ᔮᓐ ᕇ. ᑰᒡᔪᐊᕐᒥᙶᖅᖢᓂ 1846 ᐊᐅᔭᖓᓂ, ᐃᖏᕐᕋᖃᑎᒋᔭᓂᓗ ᑎᑭᓚᐅᖅᓯᒪᔪᑦ ᓂᐊᖁᙴ ᐹᖓᓄᑦ, 24-ᓂᒃ ᑭᓛᒥᑕᓂᒃ ᓇᐅᔮᑦ ᑲᓇᖕᓇᖓᓃᑦᑐᖅ. ᒫᓐᓇᑲᐅᑎᒋ ᐊᖏᔪᒥᒃ ᐅᔭᖅᑲᓄᑦ ᐃᒡᓗᓕᐅᕐᓂᖅᖢᑎᒃ "ᐅᑭᐅᒃᑯᑦ ᐃᓂᒋᓂᐊᖅᑕᖓᓂ", ᕿᒧᒃᓯᒃᑯᑦ ᐊᐅᓪᓛᓕᓚᐅᕐᒥᔪᖅ ᑕᑯᒋᐊᖅᖢᓂ ᓄᓇᒥ ᓄᓇᙳᐊᓕᐅᕆᐊᖅᑐᖅᖢᓂᓗ ᐅᑭᐅᖅᑕᖅᑑᑉ ᓯᒡᔭᖓᓂ ᑎᑎᕋᐅᑕᐅᓯᒪᙱᑦᑐᒥ. ᑕᐃᒪᐃᓕᐅᖅᑎᓪᓗᒍ, ᕇ ᓯᕗᓪᓕᖅᐸᐅᑦᑎᐊᓚᐅᖅᑐᖅ ᑕᕆᐅᑉ ᐊᑭᐊᓂᕐᒥᐅᑕᐅᓪᓗᓂ ᑕᑯᔭᖅᑐᐃᓯᒪᓂᕐᒧᑦ ᐅᑭᐅᖅᑕᖅᑐᒥ ᐊᑐᖅᖢᓂ ᐃᓄᐃᑦ ᐃᓕᖅᑯᓯᑐᖃᖏᑦᑎᒍᑦ ᐊᑐᖅᑕᐅᕙᒃᑐᓂᒃ. ᕿᓚᒥᒻᒪᕆᐊᓗᒃ ᐅᔭᖅᑲᒧᑦ ᓴᓇᓯᒪᔪᖅ ᐃᒡᓗᕐᔪᐊᖅ ᐊᑐᓚᐅᖅᑕᖓ ᐱᖃᑎᓂᓗ. ᐃᒡᓗᕕᒐᐃᑦ ᐅᖁᕐᓂᖅᓴᐅᓂᖏᑦ ᖃᐅᔨᓚᐅᕐᒪᒋᑦ ᐊᒻᒪᓗ ᓴᓚᐅᓱᖕᓇᕐᓂᖅᓴᐅᓂᖏᓐᓄᑦ. (ᑐᑭᓯᒋᐊᒃᑲᓐᓂᕈᒪᒍᕕᑦ Fort Hope ᓂᐊᖁᙴᒦᓚᐅᕐᓂᖓᑕ ᒥᒃᓵᓄᑦ ᐊᒻᒪᓗ ᕋᐃ ᐅᔭᖅᑲᓄᑦ ᐃᒡᓗᓕᐅᓚᐅᖅᑕᖓᑕ ᒥᒃᓵᓄᑦ, ᑕᑯᒋᐊᕐᓗᒍ ᐃᑦᓴᕐᓂᑕᐃᑦᓚᓯᒪᔪᖅ)
ᓇᐅᔮᑦ ᐱᒻᒪᕆᐊᓘᓚᐅᕐᒥᔪᖅ 1800-ᖏᓐᓂᒃ ᐊᕐᕙᖕᓂᐊᕋᓱᖕᓂᒃᑯᑦ ᐊᒥᓱᑦ ᐅᒥᐊᕐᔪᐊᑦ ᐅᑭᐅᒃᑯᑦ ᑕᐅᕙᓃᑉᐸᒃᖢᑎᒃ Harbour Islands-ᓂᒃ. ᑕᒪᒃᑯᐊ ᕿᑭᖅᑕᐃᑦ ᐊᒻᒪᓗᖅᓯᓯᒪᖕᒪᑕ ᐊᒻᒪᓗ ᐅᒥᐊᖃᕐᕕᒃᓴᑦᑎᐊᕚᓘᓪᓗᓂ. ᐅᒥᐊᕐᔪᐊᑦ ᐊᒥᓲᓂᖅᓴᑦ ᓯᑳᑎᔅᒥᙶᖅᓯᒪᓂᖅᓴᐅᓪᓗᑎᒃ ᐳᕆᑎᔅᒥᓗ, ᑯᐃᓐ ᓄᓇᖓᓂᕐᒥᙶᖅᑐᓪᓕ ᐊᕐᕙᖕᓂᐊᖅᑏᑦ ᖃᑎᒃᑕᓕᒨᓚᐅᖅᑐᓪᓕ, Depot Island-ᒧᓪᓗ ᐊᒻᒪᓗ ᐅᖅᓱᕆᐊᓄᑦ. (ᑐᑭᓯᒋᐊᒃᑲᓐᓂᕈᒪᒍᕕᑦ ᐊᕐᕙᖕᓂᐊᖃᑦᑕᖅᓯᒪᔪᑦ ᒥᒃᓵᓄᑦ, ᑕᑯᒋᐊᕐᓗᒍ ᐃᑦᓴᕐᓂᑕᐃᑦᓚᓯᒪᔪᖅ)
ᐊᕐᕖᑦ ᓄᖑᑉᐸᓪᓕᐊᓪᓚᕆᒃᑎᓪᓗᒋᑦ, ᐊᕐᕙᖕᓂᐊᖅᑏᑦ ᒥᖅᑯᓕᖕᓂᒃ ᐱᓇᓱᓕᓚᐅᖅᓯᒪᖕᒥᔪᑦ ᓂᐅᕕᖅᑎᒃᑯᑦ; ᓂᐅᕕᕐᕕᒃᑖᓚᐅᖅᓯᒪᔪᖅ 1921-ᒥ. 1932-ᒥ, ᐃᓚᑖᓚᐅᖅᑐᑦ ᐃᒃᓯᕋᕐᔪᐊᓂ. ᓯᕗᓪᓕᖅᐹᑦᑎᐊᖅ ᐃᒡᓗᓕᕆᔨᒃᑯᑎᒍᑦ ᐃᒡᓗ ᓴᓇᔭᐅᓚᐅᖅᓯᒪᔪᖅ 1960-ᒥ ᐊᒻᒪᓗ ᒫᓐᓇᐅᔪᖅ ᓄᓇᒋᔭᐅᓕᖅᑐᖅ ᓴᖅᑭᖦᖢᓂ. ᒐᕙᒪᒃᑯᑦ ᑎᑎᕋᕐᕕᖏᑦ ᐊᒻᒪᓗ ᐃᒡᓗᓂᒃ ᓇᑉᐸᖅᑎᕆᔪᑦ ᐱᕙᓪᓕᐊᓪᓚᕆᓕᓚᐅᖅᑐᑦ 1968-ᒥ.